മദ്രസ്സ - സംശയനിവാരണം

ചോദ്യം : ചെറിയ ആൺ കുട്ടികൾക്ക് സ്വർണം ധരിക്കുന്നത് അനുവദനീയമാണോ ? അവരുടെ വയസ്സ് 2 വയസ്സിനു താഴെ ആണങ്കിൽ സ്വർണ്ണം ധരിപ്പിച്ച് കൊടുക്കാൻ പാടുണ്ടോ ? ഉത്തരം :  ആൺകുട്ടികൾക്ക് സ്വർണ്ണം ധരിപ്പിക്കൽ നിരുപാധികമായി പാടില്ലാത്തതാണ് ..  ആൺകുട്ടികൾ രണ്ടു വയസ്സിനു താഴെയുള്ളതാണെങ്കിലും ശരി അവർക്ക് സ്വർണ്ണം ധരിപ്പിച്ച് കൊടുക്കൽ പാടില്ലാത്തതാണ്. സ്വർണ്ണം സ്ത്രീകൾക്ക് അനുവദീയമാണ് പുരുഷന്മാർക്ക് ഹറാമുമാണ് .സ്വർണ്ണം മോതിരമാണെങ്കിലും വാച്ചാണെങ്കിലും അതല്ലാത്തതാണെങ്കിലും ശരി സ്വർണം പുരുഷ വർഗത്തിന് ഹറാമാണ് പെണ്ണുങ്ങൾക്ക് അത് അനുവദയീമാണ്. ചെറിയ ആൺ കുട്ടികൾക്ക് സ്വർണ്ണം ധരിപ്പിച്ച്  കൊടുക്കൽ അനുവദീയമല്ല പ്രായമുള്ള ഒരു പുരുഷന് സ്വർണ്ണം ധരിക്കുന്നത് അനുവദീയമല്ലാത്തത് പോലെ . സ്വർണ്ണം എന്നുള്ളത് പെണ്ണുങ്ങൾക്ക് മാത്രമുള്ളതാണ് അത് എത്ര ചെറിയ ആണ്കുട്ടിയാണെങ്കിലും ശരി . ഇതാണ് ബഹു ഭൂരി ഭാഗം പണ്ഡിതന്മാരുടെയും അഭിപ്രായം.  (fatwa ibnubaaz) കടപ്പാട് : telegram.me/fatwaalislamiyya

ചോദ്യം: മുസ്ലിംകളുടെയിടയിൽ ചില സഹോദരങ്ങൾ സ്വന്തത്തിന്റെയോ തങ്ങളുടെ മക്കളുടെയോ ഒക്കെ ബർത്ത്ഡേ പാർട്ടി നടത്തുന്നത്‌ കണ്ടുവരുന്നു. എന്താണ്‌ ഇപ്രകാരമുള്ള ആഘോഷങ്ങളുടെ മതവിധി ? ഉത്തരം: ഇബാദത്തിന്റെ അടിസ്ഥാനപരമായ തത്വം അവ തൗഖീഫിയാണ്‌, അഥവാ അവ മതപരമായ പ്രമാണങ്ങൾ കൊണ്ട്‌ സ്ഥിരീകരിക്കപ്പെട്ടതും വ്യക്തികളുടെ അഭിപ്രായങ്ങളിൽ മാററുവാൻ പാടില്ലാത്തതുമാകുന്നു. ഉദാഹരണത്തിന്‌ അല്ലാഹുവിനെ ആരാധിക്കുന്നതിന്‌ അവന്റെ കൽപ്പനയ്ക്ക്‌ വിരുദ്ധമായ (നബി (സ്വ) പഠിപ്പിക്കാത്ത)  ഒരു മാർഗ്ഗം പാടുള്ളതല്ല.  എന്തെന്നാൽ സ്വഹീഹായ ഒരു ഹദീഥിലൂടെ പ്രവാചകൻ നമ്മെ പഠിപ്പിക്കുന്നു.  ‘ ആരെങ്കിലും നമ്മുടെ ഈ വിഷയത്തിൽ (ദീനിൽ) പുതിയതായി എന്തെങ്കിലും കൊണ്ടുവന്നാൽ അത്‌ തള്ളപ്പെടേണ്ടതാണ്‌.’ മറെറാരു രിവായത്തിൽ ‘നമ്മുടെ ചര്യകളിലില്ലാത്ത ഒരു കർമ്മം ആരെങ്കിലും (മതത്തിൽ) കൊണ്ടുവന്നാൽ അവ തള്ളപ്പെടേണ്ടതാണ്‌’ എന്നും കാണാം.  ജൻമദിനാഘോഷം എന്നത്‌ ഒരു ബിദ്‌അത്ത്‌ ആകുന്നു. അത്‌ ആരുടെ പേരിലായാലും അവർ എത്രതന്നെ ഉന്നതരായിരുന്നാലും ശരി, അനുവദനീയമല്ലതന്നെ.  സൃഷ്ടികളിൽ ഏററവും ശ്രേഷ്ഠരായവരും   പ്രവാചകൻമാരുടെ...