ഉത്തരം: മോതിരം ധരിക്കുകയെന്നത് എല്ലാവരോടും ‘നിങ്ങള്‍ മോതിരം ധരിക്കൂ’ എന്ന് പറയാന്‍ മാത്രമുള്ള സുന്നത്തല്ല. എന്നാല്‍ അവന് മോതിരം ധരിക്കല്‍ ആവശ്യമായി വന്നാല്‍ അത് അനുവദനീയവുമാണ്. നബി-ﷺ-യുടെ കാലഘട്ടത്തിലെ രാജാക്കന്മാര്‍ മുദ്ര പതിപ്പിച്ചിട്ടില്ലാത്ത കത്തുകള്‍ സ്വീകരിക്കുകയില്ലെന്ന് അറിഞ്ഞപ്പോള്‍, അവര്‍ക്ക് കത്തയക്കുന്നതിനായാണ് നബി -ﷺ- മോതിരം ധരിച്ചത്. ഇക്കാലഘട്ടത്തിലും അപ്രകാരം ഒരാവശ്യം ആര്‍ക്കെങ്കിലും ഉണ്ടാവുകയാണെങ്കില്‍ -ഖാദി, അമീര്‍ പോലുള്ളവര്‍ക്ക്- അവന് മോതിരം ധരിക്കാവുന്നതാണ്. അത് നബി-ﷺ-യെ പിന്‍പറ്റലുമാണ്. എന്നാല്‍ മോതിരം ധരിക്കാന്‍ പ്രത്യേകം ആവശ്യമൊന്നുമില്ലാത്തവനാണെങ്കില്‍ അവന്‍റെ കാര്യത്തില്‍ അതൊരു സുന്നത്തല്ല. മറിച്ച്, അത് കേവലം മുബാഹായ -അനുവദനീയമായ- കാര്യം മാത്രമാണ്. എന്നാല്‍ മോതിരം ധരിക്കുക എന്നതില്‍ ഇസ്ലാമില്‍ വിലക്കപ്പെട്ട വല്ല കാര്യങ്ങളും കടന്നു കൂടുന്നുണ്ടെങ്കില്‍ അത് നിഷിദ്ധവുമാകും. ഉദാഹരണത്തിന് പുരുഷന്മാര്‍ക്ക് സ്വര്‍ണം കൊണ്ടുള്ള മോതിരം ധരിക്കാന്‍ അനുവാദമില്ല എന്ന് നബി-ﷺ-യുടെ ഹദീഥുകളില്‍ വന്ന പോലെ. ശൈഖ് ഇബ്നു ഉസൈമീന്‍ കട...