മിക്ക പണ്ഡിതന്മാരുടെയും അഭിപ്രായം ( ആടിനാലല്ലാതെയും ) പ്രതിഫലം ലഭിക്കും എന്നാണു. അനസ് ബ്നു മാലിക് رضي الله عنه ഒട്ടകത്തെ അറുക്കാറുണ്ടായിരുന്നു എന്ന് മുസ്വന്നഫ് ബ്നു അബീ ഷെയ്ബ യിൽ കുഴപ്പമില്ലാത്ത സനദിനാൽ സ്ഥിരപ്പെട്ടിട്ടുണ്ട്. ഇത് ഹൻബലിയാക്കളുടെയും മാലിക്കികളുടെയും അഭിപ്രായം ആണു. കാരണം , ഒട്ടകം ആടിനേക്കാൾ പ്രതിഫലം ഉള്ളതാണു. അതുപോലെ "അവനു (മൗലൂദ് അല്ലെങ്കിൽ പുതുതായി ജനിച്ച കുഞ്ഞിനു ) വേണ്ടി രക്തം ഒഴുക്കുക" എന്ന ഹദീസിനാലും . എന്നാൽ അത് പങ്കുകാരില്ലാതെ മൊത്തമായി അറുക്കപ്പെടണം എന്ന് ഇമാം അഹ്മദ് നിബന്ധന വെച്ചു.
( ആടിനാൽ അഖീഖ നൽകിയാലല്ലാതെ) പ്രതിഫലം ലഭിക്കില്ല എന്ന അഭിപ്രായത്തിലാണു ഇബ്ൻ ഹസം ; ഹഫ്സ ബിൻതു അബ്ദിർറഹ്മാൻ ബ്നി അബീ ബൿറിനോട് പറയപ്പെട്ടു : ' നിങ്ങൾക്ക് ഒരു ഒട്ടകത്തിനാൽ അഖീഖ നൽകിക്കൂടായിരുന്നോ? ' അവർ പറഞ്ഞു : " അല്ലാഹുവിൽ ശരണം , എന്റെ ഉപ്പയുടെ സഹോദരി ആഇഷാ رضي الله عنها പറയാറുണ്ടായിരുന്നു. : ' ആൺകുട്ടിക്ക് രണ്ട് ആടും പെൺകുട്ടിക്ക് ഒരു ആടും എന്ന് ' . ഇത് റിപ്പോർട്ട് ചെയ്തത് അബ്ദുറസ്സാഖ് സ്വഹീഹായ സനദോട് കൂടി. തെളിവുകളുടെ പ്രത്യക്ഷാർത്ഥമാണു ഇബ്നു ഹസം തെളിവാക്കുന്നത്, അതിലെല്ലാം ആടെന്നാണു ഉള്ളത്. സുലൈമാൻ ബ്നു ആമിറിന്റെ ഹദീസ് മറ്റു തെളിവുകളെ വ്യക്തമാക്കുന്നതാണു. ഇല്ലെങ്കിൽ (അവനു വേണ്ടു രക്തം ഒഴുക്കുക) എന്ന ഹദീസിനു പക്ഷിയുടെ യോ അല്ലെങ്കിൽ ഇഷ്ടമുള്ള എന്തിന്റെയും ചോര ഒഴുക്കിക്കൊള്ളാൻ പറയപ്പെട്ടേക്കാം. ഇതാണു അബുശ്ശെയ്ഖ് അൽ അസ്വ്ബഹാനിയുടെയും ഷാഫിയാക്കളിൽ പെട്ട ബന്ദിനീജിയുടെയും അഭിപ്രായം.
അബൂ അബ്ദില്ല ( ഷെയ്ഖ് ഇബ്നു ഹിസാം) പറഞ്ഞു : " ഹദീസിൽ വന്നതിൽ പരിമിതപ്പെടുത്തുന്നതാണു ഉത്തമം , ഇനി ആരെങ്കിലും ഒട്ടകത്തിനാൽ അഖീഖ നൽകിയാൽ അവനു പ്രതിഫലം നൽകപ്പെടും എന്ന് നാം കരുതുന്നു. അല്ലാഹുവാണു ഏറ്റവും നന്നായി അറിയുന്നവൻ.
ഫത്ഹുൽ അല്ലാം പേജ് 547-548
കടപ്പാട് : യാസിർ ബ്നു അയ്യൂബ്, t.me/Alilmunnaafiya
Comments
Post a Comment