ചോദ്യം : ശിർക്ക്‌ ചെയ്യുന്നുവെന്ന്‌ ഉറപ്പുള്ള ഇമാമിനെ നമസ്ക്കാരത്തിൽ പിന്തുടരാമോ ?

ചോദ്യം: ഒരു പള്ളിയിലെ ഇമാം മരിച്ചവരെ വിളിച്ച്‌ പ്രാർത്ഥിക്കുകയും അതിനായി പ്രേരിപ്പിക്കുകയും ചെയ്യുന്നതായി അറിയുവാൻ കഴിഞ്ഞു. ഖബറിൽ കിടക്കുന്ന ഇവർ അല്ലാഹുവിന്റെ ഔലിയാക്കളാണെന്നും അല്ലാഹുവിനോട്‌ നമുക്ക്‌ വേണ്ടി ശുപാർശ നടത്തുവാൻ കഴിവുള്ളവരാണെന്നും അയാൾ അവകാശപ്പെടുന്നു. തൗഹീദിലേക്ക്‌ ജനങ്ങളെ ക്ഷണിക്കുന്ന ഞാൻ ആ ഇമാമിന്റെ പിന്നിൽ ജമാഅത്തായി നമസ്ക്കരിക്കുന്നത്‌ അനുവദനീയമാണോ? കൂടാതെ അല്ലാഹുവിന്‌ പുറമെയുള്ളവരുടെ പേരിൽ സത്യം ചെയ്യുക, അവരെ വിളിച്ചു സഹായം തേടുക,  അല്ലാഹുവിലേക്ക്‌ അടുക്കുവാൻ ഇവരെ ഇടയാളൻമാരാക്കുക തുടങ്ങിയ കാര്യങ്ങളെക്കുറിച്ചും  ദയവായി വിശദീകരിക്കണമെന്ന്‌ അഭ്യർത്ഥിക്കുന്നു.

ഉത്തരം: 

താങ്കൾ എഴുത്തിൽ പരാമർശിച്ച ഇമാം ഖബറാളികളോട്‌ വിളിച്ചു പ്രാർത്ഥിക്കുകയും അവരുടെ പേരിൽ സത്യം ചെയ്യുകയും  ചെയ്യുന്നയാളാണെന്ന്‌ ഉറപ്പുണ്ടെങ്കിൽ  അയാളുടെ പിന്നിൽ നമസ്ക്കരിക്കുന്നത്‌ അനുവദനീയമല്ല. 

എന്തെന്നാൽ അല്ലാഹുവിന്‌ റുബൂബിയ്യത്തിലും ഉലൂഹിയ്യത്തിലും പങ്ക്‌ ചേർക്കുക വഴി  അയാളെ മുശ്‌രിക്‌ ആയി കണക്കാക്കേണ്ടതാണ്‌. അയാൾ ഒററക്ക്‌  നമസ്‌ക്കരിക്കുന്നതും ജമാഅത്തായി നമസ്ക്കരിക്കുന്നതുമെല്ലാം ബാത്വിൽ ആകുന്നു.  ആയതിനാൽ ഒരു മുസ്ലിമിന്‌ അയാളുടെ പിന്നിൽ നമസ്ക്കരിക്കൽ അനുവദനീയമല്ല തന്നെ.

അല്ലാഹുവിന്റെ വചനങ്ങൾ കാണുക:

وَلَوْ أَشْرَكُواْ لَحَبِطَ عَنْهُم مَّا كَانُواْ يَعْمَلُونَ

“അവർ അല്ലാഹുവോട്‌ പങ്ക്‌ ചേർത്തിരുന്നുവെങ്കിൽ അവർ പ്രവർത്തിച്ചിരുന്നതെല്ലാം അവരെ സംബന്ധിച്ചിടത്തോളം നിഷ്‌ഫലമായിപ്പോകുമായിരുന്നു.” (6:88)

وَلَقَدْ أُوحِيَ إِلَيْكَ وَإِلَى الَّذِينَ مِنْ قَبْلِكَ لَئِنْ أَشْرَكْتَ لَيَحْبَطَنَّ عَمَلُكَ وَلَتَكُونَنَّ مِنَ الْخَاسِرِينَ

“തീർച്ചയായും നിനക്കും നിന്റെ മുമ്പുള്ളവർക്കും സന്ദേശം നൽകപ്പെട്ടിട്ടുള്ളത്‌ ഇതത്രെ.  (അല്ലാഹുവിന്‌) നീ പങ്കാളിയെ ചേർക്കുന്നപക്ഷം തീർച്ചയായും നിന്റെ കർമ്മം നിഷ്ഫലമായിപ്പോകുകയും തീർച്ചയായും നീ നഷ്ടക്കാരുടെ കൂട്ടത്തിൽ ആകുകയും ചെയ്യും”.(39:65)

بَلِ اللَّهَ فَاعْبُدْ وَكُن مِّنْ الشَّاكِرِينَ

“അല്ല, അല്ലാഹുവെ തന്നെ നീ ആരാധിക്കുകയും നീ നന്ദിയുള്ളവരുടെ കൂട്ടത്തിലായിരിക്കുകയും ചെയ്യുക”. (39:66)

(ശൈഖ്‌ ഇബ്നു ബാസ്‌, ശൈഖ്‌ അബ്ദുൽ റസാഖ്‌ അഫീഫി, ശൈഖ്‌ അബ്ദുള്ളാ ഇബ്നു ഗുദയ്യാൻ എന്നിവരടങ്ങുന്ന സൗദി അറേബ്യയിലെ ഉന്നത പണ്ഡിതസഭ ഈ വിഷയത്തിൽ രേഖപ്പെടുത്തിയ ഫത്‌വ. ലജന ഫത് വാ . 9336/1)








കടപ്പാട് : telegram.me/fatwaalislamiyya